Stort engasjement

Bildeserie:

Full skjerm

1 av 9

På laurdag inviterte det ny-oppliva Skorvane Vel til hausttakkefest på leikeplassen i bustadfeltet.

Malen var dei «gode gamledagane» på 80-talet, og inntektene skulle gå til realiseringa av ein gapahuk velforeininga vil byggja i området.

Velforeinga er ikkje heilt i mål med finansieringa av gapahuken, og dette var inspirasjonen til laurdagens arrangement.

– I staden for å sitja og venta, tek vi grep sjølv, sa arrangørane nokre dagar før festen.

Folk strøymde til

Styremedlem i Skorvane Vel, Signe Molland, fortel om ein folksam laurdag.

– Det rann på med folk, og det var tydeleg at mange ville vera med og støtta saka.

– Det artige var jo timinga på véret; vi fekk éi kjapp byge, elles var det sol og overskya heile tida.

Molland anslår at nærare 300 menneske tok turen på laurdag, nokre med hjelp i hand.

– Det dukka jo opp folk med eigne vaffeljern som lurte på om vi trong hjelp!

Arbeidet held fram

Molland seier at laurdagens arrangement gav om lag 14.000,- ekstra kroner i kassen til realiseringa av gapahuken.

– Vi har framleis ein veg å gå, men med så mange gode hjelparar bak oss er vi er overtydd om at det ikkje er lenge før vi kan starta bygginga.

– Når vi ein dag endeleg kan opna gapahuken skal vi syta for at alle som er med og støttar dette prosjektet skal få sin velfortente takk. Det er i alle høve stort å sjå kor mange som har lyst til å hjelpa til.

Isbil med flaks

I tillegg til musikk frå Johannes Agasøster, forteljarstund med Bodil Duesund og dyr som ungane kunne helsa på var det èin som fekk ekstra mykje merksemd på laurdag.

Isbilen.

– Eg lo høgt då isbilen rulla inn på området, fortel Molland. Sjåføren himla med augo då han innsåg at han fekk bingo på ruta si.

– Han vart ståande lenge lenge i tunet, avsluttar Molland.