Stort rør på lang trilletur

– Eg visste ikkje om eg skulle bremsa eller gi gass.

Kjetil Vasby Bruarøy
Kjetil Vasby Bruarøyonsdag 26. mai 2021 21:29

Onsdag i 19.50-tida fekk Stian Olsen seg ei overrasking i trafikken.

Han køyrde på E39 Byvegen retning Bergen då han skimta noko i sidesynet.

– Eg rakk akkurat å sjå at noko stort kom ned bakken, og visste ikkje om eg burde bremsa eller gi gass for at det ikkje skulle treffa bilen, fortel Stian.

Han hadde tilhengar med vannskuter på slep, og valte å bremsa. Så såg han eit stort rør gjera eit siste byks gjennom eller over eit gjerde, utfor ein skrent og landa i vegen framfor han.

– Om ikkje eg hadde sett det så hadde det hamna i sida på bilen. Heldigvis trefte det verken bilen eller andre.

Sjå video i ruta over.

Olsen ringte verken politi eller vegtrafikksentralen.

– Eg såg at dei på anleggsplassen forsto kva som skjedde. Det var mykje springing på folk oppe i lia, og eg hadde det travelt, så det var berre til å køyra vidare.

Vegtrafikksentralen seier dei blei varsla av andre og rykte ut.

– Då vår entreprenør kom til staden var det allereie fjerna av andre, seier vakthavande ved VTS, Tina Fjeldavli.

Røret landa rett framfor bilen etter at Olsen hadde bremsa.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.