Strålande skøyteforhold ut veka
Isen er trygg på fleire vatn i Os, og det er venta meir kulde og sol. – Kanskje dukkar det opp ein ny Pedersen i løpet av denne vinteren, ler is-målar John Lepsøy.
John Lepsøy, frivillig is-målar i Os, har i dag gjort målingar både på Ulvenvatnet og på Banktjørn.
– Isen er ikkje 15 cm tjukk enno, men den er 13-14 cm og det er snakk om skikkeleg stålis, fortel han.
Han sette derfor opp trygg is-skiltet både på Banktjørn og på den sørlege delen av Ulvenvatnet i dag.
– Med dei meldingane vi har framover vil isen berre bli tjukkare.
– At vi i tillegg får sol må jo vera ypperleg for ungdomane. Kanskje dukkar det opp ein ny Pedersen i løpet av denne vinteren, seier John, og siktar naturlegvis til Sverre Lunde Pedersen, som tok ein imponerande 4. plass i allroun-EM i helga.
Det er meldt sol og kuldegradar så langt Yr og Storm tør å spå.
Yr melder lettskya 5 til 1 minusgrad ut veka, kaldast i starten, litt varmare til helga.
Storm melder 5 til 7 minusgradar utover i veka og nærmast skyfri himmel kvar dag.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.