Strekk seg mot 17. mai

Entreprenørane jobbar laurdagar for å bli ferdig med fase A til 17. mai.

Kjetil Vasby Bruarøysøndag 25. apr. 2010 16:38

- Vi er litt etter skjema, men Vedlikehold-Service Drammen AS set på litt ekstra arbeidskraft, sa prosjektleiar hos Statens vegvesen, Terje Myking til Midtsiden.no 9. april.

Arbeidet går no for fullt, også om laurdagar, for å bli ferdig med fase A til 17. mai.

5 meter breitt fortau
Fase A, arbeidet på nedsida av brua, er det mest omfattande av dei to delane av oppdraget.

Det 1 meter breie fortauet på nedsida av brua blir utvida med 2 meter, og midt på brua blir det utvida med heile 4 meter.

Nyleg har bjelkane som skal bera det breie fortauet kome på plass, og vi ser tydeleg kor langt ut over elva den bogen av fortauet kjem.