Lokal | 15. okt. 2012

Svane i trøbbel

VIDEO: Heile svanefamilien var samla rundt ungen som sat fast i eit tau i Os hamn i dag. Men så kom brannvesenet.

Kjetil Vasby Bruarøy
Kjetil Vasby Bruarøymandag 15. okt. 2012 13:09

Fem av dei sju ungane til knoppsvaneparet i Oselvo har vakse opp, men i dag var ein av dei i trøbbel.

Og tipsa kom tett som hagl til brannvesenet om svaneungen som sat fast i eit tau innanfor den gamle moloen utanfor Os kai. Til og med to barnehagetilsette med to ungar kom bortom stasjonen medan brannvesenet heldt på å pakka i bilen.

– Det ser ikkje ut som om det skal vera vanskeleg å få han laus, men eg er redd for å skada svanen så eg vil ikkje prøva sjølv, sa Bjørn Åge "Bønni" Olsen, ein av tipsarane.

Brannvesenet tok med seg ei rive og fekk tatt svaneungen til land for å kappa tauet.

– Eg trur det var viktig å hjelpa han raskt, hadde ein mink sett dette så kunne den gått til angrep, trur Olsen.

Hamnesjefen heldt seg i ro

Svanefar "Hamnesjefen", som sjølv har fått hjelp av brannvesenet då han hadde fiskekrok i neppet, og seinare blei tatt på land for å få behandling for blyforgifting, freste litt, men lét brannvesenet gjera jobben sin.

Og svaneungen såg uskadd og fin ut etter den effektive redningsaksjonen.

VIDEO: Sjå redningsaksjonen. (Foto: Kjetil Vasby Bruarøy)

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.