Svane livstrugande skadd

Bildeserie:

1 av 3

Tysdag i 18-tida blei både brannvesenet og politiet varsla om ei skadd svane i Oselvo.

– Svana låg på bakken nær reiret og hadde blod på vengene. Han låg heilt i ro då vi kom for henta han, fortel viltkontakt Espen Andersen.

Brannsjef Stein Gjøsund stadfestar at det er knoppsvanehannen som er merkt 70B, «Hamnesjefen», som er skadd.

Avgjerd i morgon

– Svana er no på Osøyro Dyreklinikk med ope brot i foten, fortel Gjøsund.

– Det er tatt bilde og røntgen og sendt til kirurgar i Bergen, men avgjerd om den blir operert eller avliva blir først fatta i morgon.

Røntgen viser at svana har fleire brot i foten.

Veterinær har gjeve smertestillande til svana og jobbar med å stoppa blødningen.

I mellomtida ligg svanehoa på egga som truleg snart er klar for klekking. Korleis mora og ungane klarer seg om ho blir åleine med årets kull er uvisst.