- Ta ut pengar i butikken
Oppmodinga kjem ikkje frå banken, men frå elevane ved Os gymnas og Os VGS som onsdag tek eit Krafttak mot kreft.
Onsdag ettermiddag kjem omlag 100 elevar frå to av dei videregåande skulene i kommunene rundt for å bidra til årets Krafttak mot kreft.
- Når vi fekk spørsmålet om å bidra var det ikkje tvil. Dette er ei viktig sak også for oss ungdommar, seier dei to aksjonsleiarane Anette Holmefjord og Kay Even Hægland. Dei to er elevar ved henhaldsvis Os vidaregåande og Os gymnas, men samarbeidar no om aksjonen.
Håpar på 1000 per elev
Det er ikkje første året russen ved dei to skulene stiller opp for kreftforeninga. I fjor satte elevane ny innsamlingsrekord med vel 78 000 kroner.
- Det må jo vera mogleg å samle inn 1000 kroner per russ, meiner Hægland som håpar på brei deltaking frå medelevane og nok ein ny rekord.
Som i fjor er årets aksjon retta mot forskning på kreftformer kor få overlever.
- Pengane går til forskning på mellomanna kreft i spiserøret, lungane og bukspyttkjertelen, fortel Holmefjord.
Ei ekstra motivasjon for elevane er billettar til Kongeparken som dinglar i det fjerne. Kreftforeninga delar nemleg ut 100 billettar til det store russestemnet til dei fem skulane kor det er høgast gjennomsnitt per elev og kor dei bøssane som samlar inn mest høyrer heime.
Frå Tysnes til Søfteland og Lysefjorden
Dei to aksjonssjefane reknar med å få dekka det meiste av bygda når dei sender ut medelevane torsdag klokka 17.
- Dei fleste kjem til å gå i nærleiken av der dei bur. På den måten får vi dekka både Lysefjorden, Øyane, Søfteland, Strøno, Halhjem og Os, forklarar Holmefjord.
- I tillegg dekkar vi i år også Tysnes ved at eit par av elevane på skulen reiser heim og tek seg av naboane over fjorden, skyt Hægland inn.
Håpar på kontantar
Når elevane kjem på dørane onsdag håpar dei at folk har godt med kontantar liggande heime.
- Vi veit jo at folk flest bruker kort til det meiste i dag, men vi håpar dei tek ut litt kontantar til å putte på bøssene når vi kjem rundt, smilar dei to.
Om du ikkje er heime når russen kjem på døra kan du framleis gje ditt bidrag ved å senda ein SMS med kodeord KMK til 2277 (då gjev du 80 kroner) eller nytta kontonummer 1503.07.66056.