Korona | 30. sep. 2021

Takkar innbyggarane - på rim

«Takk for at du gjorde verda di lita - slik at vi lettare kunne følgje med».

Takkar innbyggarane - på rim
Kommuneoverlege Klaus Melf og ordførar Trine Lindborg har leia oss gjennom nasjonale og lokale tiltak. No går dei over i beredskap med ei takk. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 30. sep. 2021 07:36

Laurdag gjekk vi tilbake til normalen etter pandemien, tysdag la Bjørnafjorden kommune ut ei takk til innbyggarane.

Takkebrevet er på rim, men omfattar likevel det meste, frå då å halda seg heime til det som har betydd alt; å ta imot vaksine.

Om du har lese meldingar frå kommunen på rim før, som handla om brannvern, så mistenkjer du kanskje at regla er skrive av kommunikasjonsrådgjevar Ragnhild Stende Bjaadal.

Det er korrekt.

Vi har fått lov å gjengi takkehelsinga:

Takk for at du blei heime i reiret
og ikkje gjekk på fest
Takk for at du droppa å feire
og i staden tok deg ein test

Takk for at du vaska og sprita
og heldt deg unna folk og fe
Takk for at du gjorde verda di lita
slik at vi lettare kunne følgje med

Takk for at du følgde råd til punkt og prikke
og gjorde som du blei fortalt
Takk for at du lét deg i armen stikke
Det har faktisk betydd absolutt alt

Takk!

Trine Lindborg, ordførar
Christian Fredrik Fotland, kommunedirektør
Klaus Melf, kommuneoverlege
Jonas Nordvik Dale, assisterande kommuneoverlege

P.S. Smittevern er framleis viktig, både mot korona og andre sjukdomar. Hald deg heime om du er sjuk og vask hendene - akkurat slik du vanlegvis ville gjort.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.