Tung serieopning for Os på Kuventræ i går - Stord reiste heim med 1-0 i bagasjen. (Foto: Kjetil Osablod Grønvigh)

Tap i serieopninga for Os-herrane

Det vart ikkje mykje å jubla over på Kuventræ i går - Stord tok sigeren med 1-0 over Os.

image
image
image
image
image
image
image
Av: Kjetil Osablod Grønvigh

Etter den oppmuntrande treningskampen, og siger over 2.divisjonslaget Sotra førre veke, såg Os-trenar Endre Brenne positivt på serieopninga mot Stord denne helga. 

I gårdagens kamp måtte Brenne klara seg utan tomåls-scorar frå treningskampen mot Sotra, Mats Cato Moldskred. Same mannen var òg toppskårar for Os i fjorårssesongen.

Stord stilte utan to av sine kvassaste spelarar, som begge var ute med karantene etter raude kort i NM-kvalik for nokre dagar sidan.

Sjå òg: SakkoSekkStudio: Os mot Lysekloster

Os tøffa seg først - så kom smellen

Dei første ti minutta var av det jamne slaget.

Dei neste ti minutta var prega av at Os pressa Stord godt, og kom til fleire gode sjansar. 

Dette snudde brått då Stord i det 20.minuttet brått scora i ein situasjon som truleg kom like overraskanda på begge laga; ei kjapp vending av ein Stord-spelar inne i Os sitt felt, eit skot og litt fomling - og Os låg under 0-1. 

Kald gufs og kjedeleg 2.omgang

Dei siste 45 minutta vart prega av ein sur og kald vind for publikum.

Ute på grasmatta var det ikkje mykje å skriva om heller; Os glimta til her og der, men dei fleste angrepa kokte vekk i lange oppbyggingar.

I det 77. minuttet var Os farleg nær scoring etter ein corner, og i dei siste speleminutta jaga osingane hardt utlikning, men sigeren gjekk til Stord.

Os - Sotra 0-1 (0-1)

Målscorar: Ole Kallevåg, Stord

Os: Chris Sunde Midtun, Anders Havsgård, Alexander Dale, Carlos Mendes, Vegard Skeie, Rune Åsheim Mo, Marius Mikkelsen, Jonas Fagerbakke Hovland, Fabian Bødtker, Steffen Kvamsdal, Roger Ekeland.

Spelarbytte Os: Jonas Fagerbakke Hovland ut - Rafael Villen inn (61. min.), Anders Hjelle Havsgård ut - Torgeir Lunde inn (77. min.)

Gule kort Os: Alexander Dale (73. min.)

Neste kamp for Os er borte mot Bergen Nord mandag 22. april. Laurdag 27. april vert det storkamp på Kuventræ når Lysekloster kjem på besøk.

Fleire saker

  • Det vart høne i år òg ...

    19. april 2019

    Trass i lite snø vart det påskehøne - for niande året på rad - for familien Holdhus/ Vevle.

  • Påskeprat med Tove

    19. april 2019

    Fem kjappe spørsmål med Tove Tvedt Skarstein.

  • Maritas verd

    19. april 2019

    Marita Moe Sandven vart saman med Ole Amund Gjersvik headhunta til å spela under Festillene i Bergen - det er berre eitt av fleire prosjekt ho...

  • Undersøkte ulykkesstaden i natt

    19. april 2019

    Statens vegvesen og krimteknisk kopla inn grunna alvorlegheitsgraden av MC-ulykka i Industrivegen.

  • MC-ulykke i Industrivegen

    18. april 2019

    OPPDATERT: Motorsyklist henta av luftambulanse - skal ha køyrt inn i lyktestolpe.

  • Påskeprat med Eirik

    18. april 2019

    Fem kjappe spørsmål med Eirik Søfteland

  • Møkka tok straumen til 700

    18. april 2019

    Ein uheldig bonde på Bø kortslutta straumnettet - brannvesenet rykte ut og tok seg av vaskinga.

  • 700 utan straum i Os

    18. april 2019

    OPPDATERT: Klokka 12.30: Straumen tilbake for dei fleste - 57 kundar framleis utan straum. BKK melder om «driftsforstyrrelse»