Tapte for Gneist 2
Damelaget til Os klarte seg bra spelemessig, men er ikkje nøgd med eigen utteljing i serieopninga.
Bildeserie:
Søndag starta serien for damelaget til Os. Dei hadde på førehand rekna med god motstand i andrelaget til Gneist, men er ikkje nøgd med 0-4-tap.
Os - Gneist 2: 0-4 (0-2)
– Spelemessig var dei betre enn oss, men vi skapte nok til at vi burde fått oss 2-3 mål, meiner trenar Rune Balland.
– Caroline Nilsen, som er ein veldig viktig spelar for oss på topp saman med Linn Helen Thuen, blei skadd 3-4 minutt ut i kampen.
– Ho kjente strekken allereie då ho varma opp, at ho måtte gje seg gjorde at vi måtte omrokkera ein del.
No håper han på å få Nilsen tilbake snarast.
– Vi har ein tynn stall på 16-17 spelarar, så vi treng både Caroline og litt påfyll for å få stor nok stall.
Gårsdagens lyspunkt var unge Mathilde Helland Lassen.
– Mathilde, som er fødd i 1996, kom innpå i 2. omgang og klarte seg veldig bra, synes Balland.
Fyllingen 1 slo Lindås 13-1 og Radøy/Manger slo Bjørgum 10-0 i første runde. Os møter Bjørgum på bortebane i neste kamp, som går 1. mai.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.