Torstein Hatlevik lagde retten han hadde planlagt med kameraten Gunnar Nagell Dahl - 50 shades of pig. (Foto: Kjetil Vasby Bruarøy)

Tårer, latter og pissemaur

Sånn var årets meny: Bjørnefjorden Matkultur fungerer til meir enn eitt stort måltid.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Laurdag kveld blei «Det store Bjørnefjordmåltidet» servert for tredje år på rad, i år som i fjor i Oseanasalen.

9 rettar til 270 personar - sjå alle rettane i bildeserien over - og heile menyen nedst i artikkelen.

Rettane var i hovudsak basert på råvarer frå lokale produsentar, er ein dugnad av restaurantar, hotell og cateringfirma i bjørnafjordregionen. Med på laget er lærarar og elevar ved kokk- og servitørlinja Fusa vgs, som brukte første helga i haustferien på å hausta relevant erfaring.

Overskotet går til arrangør Bjørnefjorden Matkultur, som tar seg nokre turar for å bli betre kjent, og for å læra. Organisasjonen har skapt fleire samarbeidskonstellasjonar og kundeforhold, blant anna kunne Solstrand Hotel & Bad fortelja at dei nok kjøper alt lammekjøtet frå Nils Brynjulf Bøe, som driv med sau nokre hundre meter frå hotellet.

• Les òg: Fekk ein kveld hos Brimi

Nytt i år var ein liten matfestival i Vognhallen, eit arrangement som lokka svært mange gjestar på dagtid, berre timar før måltidet i Oseana skulle bli servert.

Tårer og latter

Nytt i år er òg at måltidet blei arrangert utan primus motor Gunnar Nagell Dahl, som gjekk bort i juni.

Mellom rett nummer 5 og 6 var det tale og video som hyllest og minne over Gunnar, ein kunnskapsrik mann som fekk ting til å skje.

– Men helst måtte det vera sånn at det kunne gå skikkeleg gale, litt risiko følgte med, sa konferansier Torstein Hatlevik frå Haaheim Gard.

Både sal og scene var blank i auga etter videoen. Før og etter den rørande stunda var det nam, nam og ha, ha! Hetlevik er ikkje berre flink med mat, han er ein levande historieforteljar og eit vandrande standupshow. Først ler du av den smittsame latteren hans, så av historia. For eksempel den då han kom opp i norsk muntleg, og tok det meste på strak arm.

Avtroppa varabrannsjef servert på avtroppa skifer

Før kvar rett fekk vi sjå presentasjonsvideo av kjøkkenet som sto for tur, og så kom kokken inn og fortalte om akkurat denne retten. Det blei òg vist video frå fleire av produsentane. Spesielt Bente Getz frå Osteriet i Samnanger skapte begeistring og latter, fleire blei nok imponerte over korleis å ha fått liv i eit småbruk som sto tomt i 50 år før ho overtok.

Ei servering som var frivillig morosam var Osøyro Kolonial. Dei hausta ikkje latter for det som låg på fatet, men for serveringsfatet, som var skifer frå den gamle brannstasjonen som blei riven i sommar. Nyleg pensjonert varabrannsjef Arne Monsen var blant gjestane i salen.

Kvelden opna med hyse frå fjorden og blei avslutta med tørka pissemaur. Begge dessertane slo godt an, det same gjorde Solstrand sin lammetartar frå Bøkampen - og av rettane som skapte mest mmm-lydar rundt bord 22, der Midtsiden sat, var retten som konferansier Torstein hadde planlagt med kameraten Gunnar - men no gjennomført saman med fleire av dei andre kokkane, 50 shades of pig.

Elles var det, ikkje uventa, kunstverk etter kunstverk som blei servert. Alt var freistande å ta bilde av, og alt var lett å eta, også for dei som er litt kresen. Likevel var det spennande, nye smakar og samansetjingar av smakar.

Les òg (med bildeserie):
21 rettar til 220 personar (2017)
Unikt, Bjørnafjorden (2018)

Menyen - Det Store Bjørnefjordmåltidet 2019

Hyse, flatøsters med løk, persille og blåskjellsaus
Bjørnafjorden Hotell / Halhjem Kafe
Yoghurt fra Bente Getz, fisk fra fjorden

Potet og purreløksuppe, med makrell, rødløk, rugchips, sennep- og ertespirer
Havnechefen
Råvarer levert av Bente Getz, Espira Ulvenvatnet barnehage og Tore Midtbø

Egg, med pepperrot, grønnkål, smør, pølse og eple
Oseana Kafe og Restaurant
Egg fra Helge Bøe, og de andre råvarene fra Yolandi Carr, Bente Getz og Bjørnafjorden Hotell

Kje med gulrot, gresskar og trompetkantarell
Osøyro Kolonial
Kje fra Myrdal Gård, sopp plukket av Tina Bøe Buer og grønnsaker fra Erik Halvorsen

Ytrefilet av lam, lammetartar, eple, jordskokk, choggibete og lammesjy
Solstrand
Lam fra Bøkampen Uteganger og epler fra hagen til Solstrand

Ytrefilet av vestlandsk fjordfe, plommechutney, coleslaw og jordskokk
Mat fra Hjertet – Siw Raw
Vestlandsk fjordfe fra Garden på Dalland, plommer fra Bjørnafjorden Hotell, og andre råvarer fra Bente Getz og Erik Halvorsen

Fifty Shades of Pig
Alle, med Torstein fra Haaheim Gaard i spissen
Gris fra Voss Gardsslakteri og grønnsaker fra Bente Getz

Porteris med brent marengs, saltet karamellsaus og nøttesmulder
Bespoke Lifestyle
Porter fra Monsatufro og andre råvarer fra Bente Getz

Maur fra Ulven med yoghurtkrem, blåbær og skogsyre
Bjørnafjorden Hotell / Halhjem Kafe
Blåbær fra Monsatufto og andre råvarer fra Bente Getz

I FOAJEEN - FØR MÅLTIDET

Varm plomme- og eplejuice
Osøyro Kolonial
Epler fra hagen til Solstrand

Spekepølse laget av Gunnar Nagell Dahl og Torstein
Haaheim Gaard

Gin og rognebær
Bespoke Lifestyle
Norske Harahorn Pink Gin og rognebær plukket av venner og kjente

Fjordchips, pepperkorn og lakserogn
Mat fra Hjertet
Lakseskinnchips fra Ocean Snacks med rømme fra Bente Getz

Lakseceviche
Bespoke Lifestyle
Laks fra Bjørnafjorden, levert av Bolaks

Toast med sopp
Havnechefen
Sopp fra skogene i Os, levert av Tina Bøe Buer

Toast med ost
Solstrand
Ost fra Bente Getz, med honning fra Monsatufto

Fleire saker