Tatt med promille søndag formiddag

Søndag frå rundt klokka 10 hadde Os lensmannskontor trafikkontroll på E39 ved Søfteland barneskule.

Patruljen kontrollerte trafikken retning sør i rundt ein time, med fokus på promille.

I løpet av kontrollen stoppa dei ein mann i 40-åra, som no er mistenkt for ikkje å ha vore heilt edru.

– Han blei tatt med for blodprøvetaking. Det er tatt beslag i førarkortet og oppretta sak, fortel politioverbetjent Audun Hadler-Olsen.

– Har de indikasjon på kor høg promille det var?

– Sånn det ser ut var det ikkje særleg høg promille.

Mannen er frå ein annan kommune, og køyrde i retning Os, og var i utgangspunktet på gjennomreise.