Tatt på sparkesykkel i 100-sona

Med unntak av ein tur i autovernet på nysnø i Endelausmarka og ei bråbremsing ved Svegatjørn har det til no ikkje vore ulykker på ny E39 Svegatjørn-Rådal etter opning 31. oktober i fjor.

Men det har vore bilistar som har køyrd motsett veg, ein hjort som halta ut av Skogafjellstunnelen og ein haikar som blei plukka opp av politiet.

I dag stoppa dei ein mann på elsparkesykkel som har køyrd i 100- og 80-sone i Råtunnelen, på veg mot Os.

– Vi fekk fleire telefonar frå bilistar som reagerte, og fekk stoppa han inne i tinellen, seier operasjonsleiar Knut Dahl-Michelsen til VG.

Mannen, som er i 20-åra, fekk sitja på med politiet. Sparkesykkelen står igjen i ei trafikklomme.