Tente på soverom
Ein gut blei pågripe etter brannen på Haugsneset torsdag kveld. Brannen starta på eit soverom der det låg folk og sov.
Torsdag klokka 21.49 rykte brannvesenet ut til Haugsneset. Bustadbrannen var sløkt då dei kom fram, og i etterkant blei ein tenåring pågripe av politiet.
- Vi tok ein mannsperson inn til avhøyr. Han blei dimittert etterpå, seier politioverbetjent Terje Sperrevik.
Politiet er elles knapp med informasjon om kva som sjedde på Haugsneset i går kveld.
Eit vitne Midtsiden.no har snakka med fortel at guten som er mistenkt for å starta brannen sjølv bur i avlastingsheimen der det brann.
- Han tente på ei gardin frå utsida, gjennom eit ope vindauge. Det låg folk og sov på rommet då brannen starta, fortel vitnet.
Heldigvis blei brannen raskt oppdaga og sløkt. Politiet jobbar no med å etterforska saka.