Tett mellom smakane i Vognhallen

Bildeserie:

1 av 7

I kveld er det duka for ein runde med det «Det store store Bjørnafjordmåltidet» i Oseana.

Tradisjonen tru er alle billettane rivne vekk.

Nytt av året er at arrangøren, Bjørnafjord Matkultur, i dag skipa til marknad i Vognhallen.

Her kunne publikum få få helsa på lokale matvare-produsentar, få seg smaksprøvar, og ikkje minst handla lokale matavarer.

Tett med folk

Det har vore jamnt sig med folk sidan vi opna klokka 11, fortel Daniel Skotheim frå arrangøren.

– No er klokka 12, og det er rimeleg tettpakka med folk her.

–At vi fekk ein dag med så fint vêr er verkeleg ein bonus, både publikum og utstillarar ser ut til å storkosa seg i haustsola.

– At det var?

Ein av dei lokale matprodusentane som var på plass i Vognahallen var Fjordchips.

På stand stod Fredrik Schmidt Fotland og Henrik Bokelund. Saman baud dei på chips, laga av lakseskinn.

– Jo, folk er skeptiske til kva vi har laga av det som mange reknar som avfall, fortel Fotland.

– Men det slår ikkje feil, i det folk har kome seg forbi den første skepsisen, seier det fleste: «jammen, det var var jo godt jo!».

Fjordchips har nyleg etablert seg i Meny-bygget i Industrivegen, og Fotland fortel at dei framleis er på utviklings-stadiet.

– Vi har til no éin chips med paprikasmak og éin chips med wasabismak på marknaden.

– No jobbar vi med å utvikla produkta vidare samstundes som vi jobbar med å koma oss lenger og breiare ut i marknaden.

Framtidas chips

Fotland fortel at chips av lakseskinn ikkje har som mål om å erstatta Maarud og Kims som laurdags-snop, men at fjord-chipsen allereie har vist seg som ypparleg topping på til dømes på alt frå matrettar til soft-is (!)

– Tek du sjokolade rundt chipsen vår får du noko som minnar veldig om ein Kvikk-lunsj.

– Det vi jobbar med å utvikla her, er framtidas chips.

– Det er eit stort press på matressursane i verda, og å kunna nytta «avfall» på denne måten, er både framtidsretta og berekraftig for miljøet.

Om det vert verdsherredøme på chips-fronten er ikkje Fotland og Bokelund sikker på, men dei kan melda om god økonomi i å foredla lakseskinn;

– Vi kjøper inn til ein kilopris på sju kroner, og sel ut til ein kilopris på 2.500 kroner. det kan det fort bli butikk av.