Tett snøvêr i Os i dag

Fredag kveld kom det fleire meldingar om glatt veg grunna is, måndag morgon kom det, som meldt, snø på vegane i Os og bergensregionen.

Det er ikkje meldt om uhell i Os, men på Kolltveit på Sotra har det vore ein kollisjon, i Dolviken og på Fjøsangervegen har vogntog og personbil havarert og på Flesland er det forseinkingar grunna snø.

Ifølgje Google Maps si trafikkovervaking går trafikken også noko seint enkelte stadar, som over Vallaheiane, inn mot Bergen sentrum frå sør og frå Kokstad til Sotraveien.

Det snør framleis i Os, men det er meldt opphaldsvêr frå 12-13-tida og ut dagen.

Det er venta meir nedbør tysdag, men også ein grad varmare, og nedbøren kan koma som sludd eller regn.

Onsdag til og med fredag er det venta opphaldsvêr, med unntak av sjanse for ei byge torsdag morgon.

Til helga er det venta 5-6 gradar og regn både laurdag og søndag.

• Sjå detaljert vêrmelding for Osøyro på VG Pent