Tjuveri av minst to påhengsmotorar
Politiet ber dei som ferdast nær hamn vera observante.
Måndag formiddag i 10-tida fekk politiet melding om tjuveri av to påhengsmotorar i Øyane.
– Vi oppmodar dei som ferdast i og nær hamn å vera observante, og å melda ifrå om dei ser mistenkeleg åtferd, seier politioverbetjent Christine Grindstein.
Hamnedrivar i Toreidpollen, i marinaen i flytebrua over til Brattholmen, opplyser på Facebook at det er i dette bryggeanlegget tjuveria har skjedd.
Det skal vera tre påhengsmotorar som er stolne. Alle er små, frå 10 til 20 hk.
Tjuveriet skal ha skjedd i løpet av natt til måndag.
I går blei det funne ein båt med klippa leidningar i ei anna hamn i Øyane.
– Det skal vera tjuveri av motor frå denne båten, opplyser politiet.
Merke på dei sakna motorane skal ikkje vera notert, men éin av dei er ein Suzuki stolen frå ein Askeladden.
