Tjuveri av mobil frå venterom og funn av «gøymd» iPad
Politiet har i tillegg fått melding om råkøyring.
Torsdag litt over klokka 09 fekk politiet melding om tjuveri av ein mobiltelefon frå venterommet på Halhjem ferjekai.
– Telefonen blei funnen igjen seinare, men då utan simkort, fortel politioverbetjent Thomas Juulseth.
Same dag blei ein iPad funnen gøymd i eller ved eit bosspann på ein bensinstasjon i Os sentrum.
– Eigar kan kontakta oss på politistasjonen, den er innlevert her.
Torsdag kveld klokka 19.55 fekk politiet melding om ein bil sområkøyrde i nærleiken av AMFI Os.
– Meldar meiner bilen må ha køyrd i rundt 100 km/t i 40-sona.
Ein patrulje var ute og såg etter bilen, ei mørk stasjonsvogn, utan å finna den.
Fredag morgon i 07-tida gjennomførte utrykningspolitiet ruskontroll på Halhjem ferjekai.
57 bilar blei kontrollert utan at UP fann noko å reagera på.
