Politi | 09. juli 2023

Tjuveri, ungdomsfyll og funn av båt

I tillegg møtte dei ein mann som blei frista av nokre tomatplanter.

Tjuveri, ungdomsfyll og funn av båt
Politiet fekk melding om mann bak inngjerda område på Meny. (Arkivfoto: KVB)
Kjetil Vasby Bruarøy
Kjetil Vasby Bruarøysøndag 09. juli 2023 15:45

Fredag i 20-tida fekk politiet melding om ein stolen elsparkesykkel.

– Sparkesykkelen sto ved AMFI Os då den blei tatt. Forholdet er meldt, opplyser politioverbetjent Atle Birkeland.

I 21-tida fekk politiet melding om funnen båt på Halhjem.

– Det er uvisst om den har vore stolen, då den var dårleg fortøydd og taua såg ut til å ha vore kappa.

Båten er ein Finnmaster 510 med 9,9 hk Yamaha.

Laurdag kveld fekk politiet melding om støy frå fest i Hagavik.

– Det var ti ungdomar på staden, fleire av dei er mindreårige og hadde drukke alkohol. Foreldre blei varsla og festen avslutta.

Rett over midnatt fekk politiet melding om ein mann bak inngjerda område ved Meny (det står ikkje i rapporten om det er Plantasjen det er snakk om).

– Patruljen møtte ein mann i 20-åra. Han innrømte å ha blitt freista av nokre tomatplanter, men hadde verken stole noko eller gjort skadeverk, så han blei dimittert på staden.

I 01-tida natt til søndag kom det melding om slåstkamp på Søfteland.

– Det viste seg å vera leikeslåsting. To menn blei kontrollert og sendt heim.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.