Politi | 25. apr. 2022

Tjuvfiske, forureining og funn av hund

Politiet rykte ut til Lysefjorden og Oselvo i går.

Ill. foto av lovleg fiske i sone 2 opningsnatta i 2017. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 25. apr. 2022 08:29

I 11-tida søndag fekk politiet melding om forureining i Lysefjorden.

– Vi rykte ut saman med brannvesenet, og såg at det var oljefilm og papirrestar i sjøen.

– Det er uvisst kvar det kjem frå, men det var så små mengder at det ifølgje brannvesenet ikkje let seg fanga opp. Vi har heller ikkje oppretta sak, opplyser vakthavande ved Bjørnafjorden politistasjon.

I 16-tida i går blei det funne ein hund i eller nær Os sentrum.

– Meldar ville kontakta politiet på nytt om ikkje han fann ut kven som var eigar. Vi høyrde ikkje meir, og reknar med at eigar har fått hunden tilbake.

I firetida blei det også meldt om ein hest i vegbanen i Hagavik. Politiet hadde ikkje ledige ressursar, men det kom heller ikkje fleire meldingar.

To personar fiska i Oselvo

21-tida på kvelden fekk politiet melding om to personar som fiska i Oselvo.

Det er ikkje notert kvar i Oselvo dei sto å fiska, men då patruljen kom fram var dei vekke.

Årets fisketid i Oselvo er 1. juni til 31. august.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.