To tilsette på Luranetunet er smitta

To tilsette ved Luranetunet bu- og behandlingssenter har fått påvist covid-19, opplyser Bjørnafjorden kommune i dag.

Alle pårørande, tilsette og andre nærkontaktar ved dei aktuelle avdelingane er informerte, det same er resten av dei tilsette ved Luranetunet.

To avdelingar ved sjukeheimen er mellombels stengde for besøkande og inn- og utgåande pasientar mens det blir jobba med å få oversikt over situasjonen.

– Leiinga på Luranetunet følgjer situasjonen tett saman med kommuneoverlegen, skriv kommunen.

Måndag viste rapporten for førre veke at smitten i Bjørnafjorden er høg, berre to veker tidlegare i år har hatt fleire smitta.