Lysekloster spelte uavgjort igjen, men kan jubla over at dei har klatra til topps på tabellen. (Arkivfoto: KVB)

Tok eitt poeng - klatra til topps på tabellen

Lysekloster spelte uavgjort i dag, Sotra tapte.

Av: Kjetil Vasby Bruarøy

Lysekloster leia førre helg toppkampen heime mot Sotra, men «gav vekk» to mål og mista sjansen til å overta tabelltoppen.

I dag spelte Lysekloster borte mot Øystese, også i dag blei det poengdeling.

Even Vetås gav Lysekloster leiinga, men Øystese utlikna før pause. 1-1 sto seg kampen ut.

Men samtidig tapte serieleiar Sotra 1-2 heime for Brodd, som no ligg på 5. plass på tabellen.

Dermed står Lysekloster og Sotra likt i poeng, begge med 49 på 23 kampar, men Lysekloster med 3 mål betre målforskjell.

• Sjå tabell (fotball.no)

Midtsiden har ikkje lykkast i å få tak i Lysekloster-trenar Ruben Hetlevik i kveld.

Dette er Lysekloster og Sotra sine tre siste motstandarar før sesongen er over:

Lysekloster: Fyllingsdalen (heime), Stord (borte) og Førde (heime).

Sotra: Tertnes (heime), Øystese (borte) og Fyllingsdalen (heime).

Fleire saker