Tok Pole Position

Denne veka feira organisasjonen Kjør for Livet to årsjubileum med samling for alle vegleiarane og teamledarane i dei ni aktive klubbane. I samband med samlinga blei to æresprisar delt ut, kor team #07 Os med Jane Espeland og Kalle Pettersen i spissen fekk den høgt hengande prisen "Pole Position".

– Vi er veldig stolte av resultata og arbeidet som alle våre eldsjeler legg ned. Samstundes er det viktig og gje ein ekstra merksemd til dei som gjer det lille ekstra, fortel marknadssjef i Kjør for Livet Jan Tore Brustad.

Ein foregangskommune

"Pole Position" går til den klubben som det siste året har gjort seg kvalifisert igjennom gode resultat på alle områder, mellomanna i det vegleiararbeidet som gjerast og i samarbeidet med kommunen.

– Jane og Kalle har som vegleiarteam saman med ungdommane gjort ein solid jobb.

– Det at også Os kommune har vist vilje og gjennomføringsevne betyr mykje, og vi er stolte av å ha dei med på laget.

– Det var jamt mellom alle klubbane i kåringa, men Os har vore ein foregangskommune på mange av punkta, sier Brustad om prisen som er ein vandrepris som skal delast ut på kvar av dei to fellessamlingane organisasjonen har kvart år.

– Denne prisen skal vi jobbe hardt for å behalde på Os, smilte teamleiar Jane Espeland då ho mottok prisen.

Juryen si grunngjeving

Helt sidan oppstarten har Os vist enormt engasjement frå kommunen, teamvegleiarane og ungdommen. Det er stor stå-på-vilje og guts.

Med Jane og Kalle som vegleiarteam i spissen, har dei med sine 5 ungdommar opparbeidd eit sterkt team som er bygd på respekt, samhald, tryggleik og omsorg. Det har òg blitt knytt sterke band til foreldra og skule.

Klubben jobbar strukturert og er særs dyktig på loggføring og på handtering av utfordringar. Klubben har blitt særs godt integrert i lokalmiljøet, og fleire av ungdommane har blitt medlemmar i den lokale motorsportklubben.