Tok sin første siger i ny divisjon

Laurdag tok Os sitt damelag sine første poeng i 2.divisjon. Os låg under 1-0 borte for Stord då det sto under ti minutt igjen.

Så dribla Vy Nguyen seg gjennom heile forsvaret, forbi keeper, og utlikna i 81. minutt.

Malin Solstrand Ludvigsen sikra siger med eit skot i 85. minutt.

– Jentene spelte bra, men hadde vanskar med å få ballen i mål. Heldigvis lausna det, dei skapte også fleire sjansar etter 1-2-skåringa, seier trenar Ørjan Sandal.

Stord - Os 1-2 (1-0)
Sjå tropp og kampfakta på fotball.no

Med sigeren klatra Os frå 12. til 11. plass på tabellen.

Neste kamp går heime førstkomande laurdag mot Staal Jørpeland på 10. plass.