Tok Symrasalen med storm

Bildeserie:

1 av 10

Onsdag var det premiere og 150 publikummarar gjorde at Symrasalen I Nore Neset Aktivitshus var både stemningsfull og nærmast fullsett.

– Det kunne ikkje gått betre. Vi følte oss godt førebudd, men du veit aldri. Heldigvis gjekk det veldig bra med alle saman, seier Terje Neset.

Musikklæraren har saman med kona Anne Leni Sæbø Søfteland drilla ungdomane sidan i haust. Framsyninga var i samarbeid med Nore Neset Grendalag.

Etter ein vellykka premiere kom det nesten like mange torsdagen. Fredag fekk Midtsiden med seg showet, også då var det rundt 100 nøgde i salen, unge og vaksne som fekk med seg fengande melodiar, ei spennande handling, nokre nummer som gav gåsehud og nokre stunt som fekk oss til å le.

Sant, Jan Helge? Jan Helge Corneliussen er både lærar, barne- og ungdomsansvarleg i Os Turn fotball, fast konferansier på filmfestivalen i Os sin gallakveld og stundom ein som tar ordet om det er ein 40-årsdag i nabolaget.

Vi har aldri sett han som overvektig dame før, men dette kledde han.

Gode hjelparar - like gode ungdomar

Sjølv om Terje og Anne Leni hadde med seg litt vaksenhjelp, som dei erfarne musikararane Oddgeir Bjelland og Asbjørn Ludvigsen, Lyd og Lysproduksjoner, songarar som søstrene Janie og Lindy Froestad Laupsa, Benjamin Langeland som Corny Collins og, ikkje minst, deira eiga dotter Anna Søfteland Neset – så var det ingen av dei som stal showet frå ungdomen.

Og blant dei unge fekk alle visa seg litt fram, ikkje berre Antine Furevik, som hadde hovudrolla som Tracy, eller Simen Moesgård som hadde rolla som den kule damemagneten Link Larkin.

Korjentene, dansarane, venninner og uvenar av Tracy blei også framført av ekstra flinke unge jenter – og ekstranummeret med Michael, framført av Nils Trygve Torrissen.

VIDEO: Sjå 11 minutt av Hairspray i Nore Neset Aktivitetshus. (Foto: Kjetil Vasby Bruarøy, Midtsiden.no)