Tørrkoking på Haugland

Ingen blei skadd då det byrja å brenna på eit kjøkken på Haugland i dag.

Kjetil Vasby Bruarøyfredag 21. mai 2010 11:27

Ambulanse, politi og brannvesen rykte i 12-tida i dag ut til bustadbrann på Haugland.

- Huseigar forklarer at telefonen ringte medan dei lagde mat. Dei prøvde å sløkkja brannen sjølv, før dei evakuerte huset, og så kom brannvesenet og tok resten, fortel politibetjent Pål Christensen.

Ambulansepersonell sjekka dei som var i bustaden for røykskader, men alle skal ifølgje politiet ha kome frå det utan skader.