Torsdag og måndag får finast vêr

Etter ei palmehelg med stort sett opphaldsvêr på dagtid kom det sludd og kraftige vindkast i Os måndag.

Tysdag har starta med blå himmel over Os, men det er venta overskya og nedbør både tysdag kveld og onsdag, er Yr og Storm einige om.

Det finaste påskevêret er venta torsdag, som skal starta overskya, men bli lettskya frå 12-tida. På ettermiddagen skal vinden auka frå 2 til 6 m/s.

Sjå detaljert vêrmelding for Osøyro frå Yr og Storm side om side på Pent.no.

Fredag til søndag med sol og regn

Langfredag skal starta lettskya, men sol skal bli til regn på ettermiddagen. Storm melder nedbør heile påskeaftan, mens Yr melder regn på formiddagen og opphaldsvêr på ettermiddagen.

Søndag skal bli finare, sol og opphaldsvêr, ifølgje Yr, overskya og fare for litt nedbør på ettermiddagen, ifølgje Storm.

Måndag er Yr og Storm einige om skyfri himmel, 5-8 vamegradar og svak vind.