Trafikkontroll og to påkøyrde dyr

Søndag frå klokka 13.15 hadde politiet trafikkontroll på Strønevegen.

– Vi sjekka bilbeltebruk og dokument. Folk var flinke med bilbelte, men to av dei 83 kontrollerte hadde gløymt å ta med seg førarkortet og fekk gebyr, fortel politioverbetjent Audun Hadler-Olsen.

Knust rute på E39

Søndag i 31.30-tida blei ein hjort påkøyrd på E39, på bysida av kommunegrensa på Søfteland.

Bilen fekk skader i fronten, blant anna blei frontruta knust. Hjorten sprang vidare.

– Eg er ute og leitar etter hjorten no, fortel viltkontakt Espen Andersen.

Omtrent samtidig blei ein hjort påkøyrd i Hegglandsdalen. Denne hjorten blei gåande på bøen i nærleiken ei stund etterpå, og etter observasjon av dyret blei den friskmeldt.