F.v.: Barne- og familieminister Kjell Ingolf Ropstad, statsminister Erna Solberg og helse- og omsorgsminister Bent Høie. (Foto: Regjeringen)
F.v.: Barne- og familieminister Kjell Ingolf Ropstad, statsminister Erna Solberg og helse- og omsorgsminister Bent Høie. (Foto: Regjeringen)

Tre datoar for gradvis opning av samfunnet

Dette kjem i drift 11. mai, 1. juni og 15. juni.

Kjetil Vasby Bruarøy
07. mai 2020 - 20:55
  • Midtsiden har starta utsending av gratis nyheitsbrev på epost - meld deg på her

Måndag 20. april opna barnehagane igjen, måndag 27. april var det tilbake til skulebenken for elevane i 1. til 4. trinn.

Under ein pressekonferanse som starta klokka 18 i kveld stadfesta regjeringa at skulane opnar for eldre elevar i neste veke.

– Vi er førebudde på å få elevane tilbake, men tar det gradvis, seier fagsjef i Bjørnafjorden kommune, Per Olav Sørås.

Fleire barne- og ungdomsskuleklassar er på 28-30 elevar. Skulane må finna ledig areal for å halda god avstand og passeleg store grupper. I Bergen har dei strekt seg opptil 20 elevar i same klasserom.

– Vi skal ha møte med rektorane fredagn morgon, og konkluderer etter at vi har fått innspel frå desse. Etter lunsj fredag kjem vi med melding om kva trinn som startar kva dag. Det er mogleg at dei første elevane kjem på skulen måndag 11. mai, men det blir neppe alle trinn same dag.

Her er delar av regjeringa sin vidare plan for vidare opning av samfunnet: 

Generell regel for alle som ikkje er i same husstand er å halda avatdn på éin meter frå andre. Har du symptom skal du i isolasjon.

Frå 7. mai

  • Anbefalt storleik på grupper i private samanhengar er 20 personar
  • Trening og andre aktivitetar kan òg gjennomførast for grupper på inntil 20 personar
  • Idrettshallar kan opna, men det er forbod mot bruk av garderobar i idretthallane 
  • Der det er ein ansvarleg arrangør kan inntil 50 personar delta på offentleg arrangement
  • Utanlandsreiser er fråråda, men ikkje forbode for helsepersonell lenger. Dei som har vore i utlandet må i karantene, men karantenetida er redusert frå 14 til 10 dagar. Reisekarantena kan koma til å vara gjennom sommaren

Frå og med 11. mai

  • Alle trinn på grunnskule og vidaregåande skal opna i løpet av veke 20 (vi er no i veke 19)
  • Universitet, høgskular og fagskular held fram med fjernundervising
  • Folkehøgskular skal vera stengte ut skuleåret, med unntak av kort-kurs
  • Køyreskulane kan opna igjen
  • Det kjem ein vegleiar for idretten med vekt på barne- og ungdomsidrettar som fotball og annan kontaktsport. Det skal leggast til rette for internkampar

Frå 1. juni

  • Serveringsstadar som ikkje sel mat, som pubar og nattklubbar, kan ha ope. Det blir stilt krav om sitjeplassar og bordservering
  • Fornøyelsesparkar kan opna
  • Det blir opna for organisert svømming og skulesvømming

Frå 15. juni

  • Det blir opnar for arrangement med inntil 200 personar
  • Treningssenter kan opna igjen, så sant ein bransjestandard for smittevern er klar
  • Badeland og svømmehallar kan opna for publikum
  • Seriespel i toppfotball blir lov. Det ligg ikkje an til å gå ned til nedste del av toppfotball, 2. og 3. divisjon

Kjelder: Regjeringen.no og VG.no

 

 

 

 

Les meir om

Lokal Korona Politikk