Tre gutar tatt for hærverk

Laurdag ettermiddag fekk politiet melding om omfattande hærverk på ei avdeling i Nøtteliten barnehage.

Laurdag kveld har tre ungdomar innrømt hærverket.

Les meir og sjå bildesere av den raserte barnehagen.

– Vitneobservasjonar førte til at vi fekk gode indikasjonar på namngjevne personar som kunne ha vore innblanda. Då vi kontakta ein av dei aktuelle så innrømte han alt.

– No har vi tre ungdomar, gutar på oppunder 20 år, som har innrømt og som seier dei angrar og vil gjera opp for seg, seier politibetjent Kenneth Rastad.

To av dei tre er frå Søfteland, den tredje er frå ein annan krins i Os.

– Dei blir no sett i kontakt med leiinga i barnehagen, for dialog om korleis dei kan hjelpa til med å få rydda etter seg.