Tredje dose til alle over 18

Tysdag ba regjeringa om at kommunane skulle gjera seg klare til å tilby tredje vaksinedose til alle over 45 år, og samtidig førebu seg på å tilby tredje dose til alle vaksne før påske.

Onsdag ettermiddag var Bjørnafjorden kommune klar.

No kan alle personar over 18 år bestilla time for tredje dose koronavaksine, ein såkalla oppfriskingsdose.

– Du kan velja mellom å ta vaksinen hos fastlegen eller på massevaksinasjonsstasjonane våre, skriv kommunen.

Det blir massevaksinasjon i Oshallen og på Fjord'n Senter kvar onsdag framover.

5 eller 6 månadar sidan sist?

For personar over 65 år skal det vera eit intervall på minimum 5 månader mellom andre og tredje koronavaksinedose.

For personar mellom 18 og 64 år skal det vere eit intervall på minimum 6 månader mellom andre og tredje koronavaksinedose.

Det er berre Pfizer-vaksinen (Comirnaty) som er godkjent som oppfriskingsdose, og dermed den vaksinetypen som vil bli gitt.

Koronavaksinen er gratis.

Om du vil ta vaksinen i Oshallen eller på Fjord'n Senter, kan du bestilla på nett eller telefon (913 58 649).

Måndag oppsummerte kommuneoverlege Klaus Melf vaksinesituasjonen på denne måten:

• Kommuneoverlegen melder at det framleis er utfordrande å nå målet om 90 prosent vaksinerte i aldersgruppa 18-44 år.
• Lågast vaksinedekning har personar mellom 25 og 39 år - og spesielt arbeidsinnvandrarar frå Polen og Litauen.
• 3. dosevaksinering av utsette grupper er i hovudsak ferdig.
• Influensavaksinasjon for personar i målgruppa er godt i gang hos fastlegane. Tilsette ved sjukeheimane er vaksinerte.
• (Det var også massevaksinasjon i går, onsdag 1. desember)