– Trenarskandale

Talentutviklar og hovudtrenar for dei fremste gute- og jentespelarane i Os og Nore Neset, Ørjan Sandal frå Mallorca Toppfotball, tar på seg all skyld for at Os G16-1 tapte 0-1 på golden goal eitt minutt før slutt av andre ekstraomgang i A-sluttspelet i Norway Cup.

Han kallar eigen glipp for skandale, og går grundig til verks når han forklarer kvifor.

– Det første eg sa då eg var kome inn på spelarmøtet i går var: «Dei som VEIT at dei skårer i straffekonkurransen mot Lyn i morgon kjem fram til meg». Fem spelarar kom fram.

– Vi visste vi skulle møtadet som truleg er Noregs beste G16-lag, og strategien var klar; vi skulle forsvara oss til 0-0 og slå dei på straffekon. Vi har øvd på straffespark 2-3 gongar i veka dei siste månadane, og eg er sikker på at vi hadde vunne om kampen gjekk til straffekonkurranse, seier Sandal.

Gløymde éin, avgjerande ting

Sandal fortel at han har brukt fleire veker på å førebu seg til Norway Cup. Han har gjort seg kjent med motstandog han har fysisk sjekka alle banane det skulle spelast på.

Strategien mot Lyn fungerte. Lyn spelte og spelte, men fann sjeldan noko opning. Dei få gangane det var opning var keeper Stein Inge Andersland meisterleg god.

Det var på førehand planlagt byte sånn at dei aktuelle straffeskyttarane skulle vera på banen då ekstraomgangane var over. Sandal ser ikkje på utvisingane som eit problem, heller ikkje at den siste utvisinga var ein straffeskyttar - men at den kom så seint at Sandal både å omrokkera, byta spelarar og ta omsyn til justering av strategi som skulle gjelda for den komande straffesparkkonkurransen på same tid.

Då Sandal retta blikket mot banen igjen låg Os, ifølgje han sjølv, for lågt. Midtbanen låg på 17 meter, ikkje på 25 meter, der han ville ha dei. Så kom målet.

– Eg MÅTTE snakka med desse gutane sidelinja, men eg burde samtidig ha coacha laget mitt, som no var nede i ti mann igjen. Feilen blei ikkje gjort der og då, men på førehand. Eg burde har førebudd meg også på dette, og førebudd assistent Stian Kvåle på at han snakka med innbytarane mens eg coacha laget samanhengande heilt til slutten.

– Er verkeleg 1,5 minutt utan coaching så avgjerande?

– Ja! Gutane mine var heilt rå! Dei veit kva dei skal gjera, og dei følgjer kvar minste instruks. Over 60 minutt hadde vi 15 minutt med éin mann mindre, etter tre 5-minuttarar (gult kort i ungdomsfotballen fører til utvising i fem minutt).

– Det blir du sliten av, og når du er sliten har du ekstra behov for både rettleiing og støtte, og det var her eg svikta. I 1,5 minutt.

– Og dette er verdt å kalla ein trenarskandale?

– Ja. Eg set høge krav til meg sjølv, og feilen eg gjorde var avgjerande. Gutane skal veta at dei har gjennomført ei kjempeturnering, og at det utelukkande er min feil for at ikkje dei slo Noregs beste gutelag i straffekonk. Eg skal aldri gjera tilsvarande feil igjen, lover Ørjan Sandal.