-Treng ikkje kunne dansa
Breakarane frå Absence lærar bort triksa. - No er det berre å hive seg med. Det kjem til å bli ei artig helg, lovar Janne Mari Hjelle.
I mars tok dansegruppa Absence, kjend frå mellomanna Norske Talenter, Oseana med storm då dei vitja huset med framsyninga "Askeladden på nye eventyr".
Andre helga i august (10.-12.) kjem dei tilbake for å læra danseglade ungdommar knepa.
- Eg er overbevist om at det kjem til å bli ei kjempekjekk helg.
- Du treng ikkje ha dansa tidlegare for å vera med. Gutane i Absence er dyktige og flinke til å tilpassa undervisninga til kvar enkel sitt ferdigheitsnivå, fortel kulturhusvert Janne Mari Hjelle.
Fulle hus
Den populære gruppa sel fulle hus kor enn dei kjem.
- Det er ikkje berre framsyningane deira som er populære. Dansekursa er minst like populære og det at vi har klart å få dei til å koma til Os med det tette programmet dei har er eg særs nøgd med, smilar Hjelle.
Tre grupper
Kurset har dei delt inn i tre grupper. 1.-4. klasse, 5.-7. og 8.-10. klasse.
- Vi har hatt bra med påmeldingar, men framleis er det plassar ledige. Spesielt i den eldste klassa kunne eg ønska meg fleire deltakarar, seier Hjelle som fortel at alt av praktisk informasjon ligg på heimesida til Oseana.
Absence blei starta i 1999 og består av fem av noregs beste breakarar.