Trollbunden på Lysøen

Kommunikasjonsrådgiver ved KODE, Maria Tripodianos, fortel at «Trollbundet av Ole Bull» blei ein suksess i 2016 og ein tradisjon frå 2017.

– Staben ved KODE Kunstmuseer og komponisthjem har brukt mykje tid på dette konseptet, og vi er veldig glade for at det n overt tilbydd på tredje året. Vi ønskjer å gjera Lysøen meir tilgjengelig for alle.

• Les òg: Full pakke blei stor suksess

Lysøen har hatt omvisingar og konsertar i ei årrekkje, i sesong.

Nytt med pakketilbodet «Trollbundet av Ole Bull», som går kvar søndag gjennom juli og august, er at konsert og omvising i villaen blir kombinert med guida tur på øya - og at det heile blir selt som éin pakke, med og utan buss frå Bergen.

I år alternerer fiolinistane Hanna Vigerust Kallestad, Maren Ohm Ballestad og Rasmus Hella Mikkelsen, og pianistane Ingunn Ådland og Ole Christian Haagenrud.

Vi var med til Lysøen søndag 21. juli. Då var det musikarane Maren Ohm Ballestad og Ole Christian Haagenrud som spelte.