Truga med å drepa politiet

Klokka 23.30 laurdag kveld fekk politiet melding om ein trugande person som hadde dukka opp på ein privat fest på Halhjem.

– Vedkomande, ein utanlandsk mann i 40-åra, var ikkje invitert, og hadde vore trugande mot folk som var på festen, fortel politioverbetjent Audun Hadler-Olsen.

Då patruljen kom til staden sette han seg opp mot politiet og dei måtte pågripa han.

– Han kom med drapstrugslar mot politiet. Vedkomande blir framstilt for varetektsfengsling i dag, dette er ei sak vi ser svært alvorleg på.

Det er uvisst om mannen har fast adresse i kommunen, men han jobbar for eit firma i Os.