Tunge løft for å få godkjent banen

I vinter fortalte Os Fotball om negativt svar på søknad om dispensasjon for avvik på tryggleikssona langs hovudarenaen på Kuventræ. Krava skal ha blitt skjerpa i Norsk Tipping-ligaen.

Innbytarbenkar og fundament til tre lyktestolpar låg inne i tryggleiksona, som er 4 meter frå sidelinja.

– Men vi fekk dispensasjon til å bruka banen fram til 20. mai, ein dispensasjon som blei utvida til førre heimekamp, fortel styreleiar i Os Turnforening, Hans Parnefält.

I mål til måndag

I februar blei innbytarbenkane flytta og rekkverk montert på tribunen. Det meir kompliserte arbeidet, med flytting av dei tre lyktestolpane kom seinare, og var årsaka til at Os Turn måtte be om dispensasjon til å få spela nokre serierundar på bane med postra stolpar.

I førre veke blei dei løfta til nye fundament utanfor tryggleikssona.

– Kranbil, lift og elektrikar måtte i sving. Det blei kostbart, men det var godt å få det gjort, seier Parnefält.

No gjenstår berre å meisla vekk dei gamle fundamenta. Dette skal gjerast før heimekampen måndag.