Tungt i Fjorden
Lysekloster med kniven på strupen i serieinnspurten. Tapte 0-2 for Stord laurdag.
Bildeserie:
– Vi henger ikkje sammen i dag, seier trener Thomas Sandal.
Lysekloster kom greit i gang mot Stord heime og hadde føringa det første kvarteret, mellom anna var Gojko Ivkovic frekk med ein lobb frå midtbanen som strauk tverrliggaren, diverre på feil side.
Etter det tok gjestane meir og meir over og hadde dei største sjansane. Etter ein omgang sto det framleis 0-0, men Stord vann sjansestatistikken 5-2.
Lysekloster - Stord 0-2 (0-0)
Lysekloster sitt lag: Chris Sunde Midtun (Frode Moberg Øvredal, 68 min), Gojko Ivkovic, Ola Sjømæling, Baste Jonassen, Denis Ljubovic (Aleksander Andersen, 50 min), Oliver Kirk Larsen, Espen Birkeland, Hans-Christian Nysæther, Ståle Steen Sæthre, Sebastian Holmqvist, Christer Bergesen Olsen (Thomas Helland, 60 min)
Fem gule
Utover i andre omgangen var det tydeleg at poenga betydde mykje for begge laga. Tenningsnivået var høgt, noko som mellom anna gjorde at dommar Bjarte Sandal drog opp det gule kortet heile fem gonger, tre til heimelaget og to til gjestane.
Stord viste seg etterkvart å vera laget som var mest på hugget. 16 minutt ut i omgangen fekk dei frispark frå 20 minutt som endte utagbart for keeper Chris Sunde Midtun. Berre minuttet seinare var Lysekloster frampå med ei enorm dobbeltsjanse. Først eit frispark i tverrliggaren før Ståle Steen Sæthre sendte Stord-keeperen i full strekk på ei heading frå 11 meter, men det ville seg ikkje.
– No må vi berre få orden på den defensive strukturen. Det blir ein tøff kamp mot Egersund, konkluderer Thomas Sandal.
Ein liten trøst er at Fyllingsdalen slo Fana 5-2 i dag. Lysekloster ligg med det rett under nedrykksstreken, a poeng med Vard Haugesund og berre eitt poeng bak Fana på 6. plass.
Sjå intervju med Lyseklostertrenar Thomas Sandal før og etter kampen på Midtsiden si facebook-side.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.