Politi | 09. nov. 2023

Uhell og klage på høg trafikk i Holtbrekka

– Bruk omkøyring via Moberg, er politiet si oppmoding.

Uhell og klage på høg trafikk i Holtbrekka
Trafikk i Holtbrekka tysdag. Det er uvisst om bilane på bildet skal til eller frå eigen heim, eller om det er gjennomkøyring. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 09. nov. 2023 09:17

Politiet har fått melding om uvanleg mykje trafikk i Holtbrekka og Kuvenbakken.

– Vi reknar med at årsaka er at Byvegen er stengt frå Holtbrekka til Giskavollen, seier politioverbetjent Atle Birkaland.

Onsdag ettermiddag var det òg eit uhell i området.

– Ein bil som skulle snu rygga inn i to parkerte bilar.

I dag er i tillegg Landboden stengt for asfaltering. Når du ikkje kjem deg gjennom Os sentrum med bil, kan presset på Holtbrekka auka.

Politiet oppmodar folk å køyra om skilta omkøyringsveg, altså via Moberg og E39.

– Vi vil minna om gjennomkøyringsforbodet, seier Birkeland.

Det var ikkje skilta med forbod mot gjennomkøyring i Holtbrekka og Kuvenbakken før, men skal ifølgje Birkeland vera det no.

Onsdag var politiet òg ute og avskilta ein bil. Årsaka var manglande omregistrering.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.