Framgang ved Fjellheim
Nyutvida langtidsparkering klar for merking.
Onsdag 1. november skulle andre trinn i parkeringssystemet i Os sentrum ha starta, på Circke K-tomta (tidlegare Statoil). Også der skal det bli gratis i to timar, så 20 kroner timen etterpå.
Men i starten på veka fortalte prosjektansvarleg Lisbeth Axelsen at kommunen vil venta til utviding av parkeringsplass ved Fjellheim er klar.
Betaling (etter to timar gratis) på Circle K startar laurdag 11. november.
I mellomtida har det vore framdrift ved Fjellheim.
Bildeserie:
Prosjektet på Fjellheim-tomta og mellom Fjellheim og Os Næringspark er ei utviding.
Frå før var det 15 plassar oppe ved Fjellheim og 30 plassar mellom Fjellheim og Holtbrekka. Kommunen rekna med å få cirka 40 til.
– Kor stor blei utvidinga?
– Det er det vi er spente på å sjå, men det kan sjå ut som om vi får fleire enn venta, at vi kjem opp i rundt 100 plassar til saman, seier Axelsen.
Neste steg no er merking av plassar, både oppe ved Fjellheim og nede på nyutvida plass, som altså kan ha meir enn dobla seg frå 30 til over 80.
– Det blir ikkje handheving av 8 timar gratis frå start, det kjem seinare. Men vi ønsker at folk held seg på oppmerka plass både nede ved Holtbrekka og oppe ved Fjellheim, seier Axelsen.
Plassane blir, etter ferskt vedtak i PBM, 2,60 meter breie.
Spennande? Vil du ha ukas høgdepunkt i innboksen?
Les meir om
Tilgang til alt innhald for kun 5 kr i 5 veker
Vi set stor pris på at du vel å abonnera på Midtsiden, det hjelper oss på veg til å kunna dekka endå meir av alt som skjer i Os!
- Tilgang til alt innhald
- Utan bindingstid
- Moglegheit for fleire brukarar
Etter kampanjen blir abonnementet fornya kvar månad. Du kan seia opp kor tid du vil, og blir då ikkje belasta for neste periode.