Ung gut drakk alkohol og prøvde dødsing

Onsdag i 21-tida blei politiet oppringt frå ei fortvila mor som fortalte at sonen var skadd etter forsøk på dødsing (stup der det skal sjå ut som om det går gale, med landing i mageplask, men det skal etter boka ikkje gå gale).

– Guten, som er i ungdomsskulealder, skal ha drukke cognac i forkant, fortel politioverbetjent Anne Lyssand.

Han skal ha stupt frå 5 meters høgde, men det er ikkje notert kvar dette skjedde.

Kvifor mora ringte politiet, er uklart, men vedkomande skal ha blitt eskortert med blålys til legevakta på Moberg. Politiet kjenner ikkje til skadeomfanget.

Avskilta bil

Patruljen kom i går òg over ein parkert bil som var begjært avskilta grunna manglande EU-godkjenning.

Bilen blei avskilta og det blei lagt informasjon om årsak på frontruta på bilen.

Politiet møtte òg ein bil som skulle vore omregistrert. Bileigar har nylegkjøpt bilen, men fekk beskjed om å få fortgang i papirarbeidet.