Ut av fengsel

18-åringen som laurdag blei fengsla, mistenkt for å stå bak trugslar mot Søfteland skule, blir sleppt fri i dag.

Kjetil Vasby Bruarøyfredag 30. okt. 2009 14:07

Mannen som har vore varetektsfengsla i ei veke, sikta for trugsmål mot Søfteland skule, blir i skrivande stund sleppt ut av fengsel.

- Slik saka står er det ikkje fare for at bevis forsvinn, som var årsaka til at vi fekk vedkomande varetektsfengsla, seier politijurist Karsten Krüger Engedal til Midtsiden.no.

- Kva med tryggleiken og fare for gjengtaking?

- Vi meiner det ikkje er fare for gjentaking, verken av trugsmål eller fullføring av det som det er truga med.

Varetektsfengslinga varte til klokka 15 i dag. Mannen er framleis sikta.

- Er fleire sjekka inn i saka?

- Det vil eg ikkje kommentera, seier Engedal.

Midtsiden.no har prøvd å få tak i lensmann Rasmus Dalen i heile dag utan å lukkast.