Utfor med promille

Det slo kraftig ut då politiet tok utandingsprøve på den unge mannen som kjørte utfor vegen tidleg sundag morgon.

Kjetil Vasby Bruarøysøndag 04. juli 2010 07:56

Sundag klokka 5.10 fekk politiet melding om utforkjøring i Mobergsbakken.

- Han skal ha kjørt ned eit skilt på veg i grøfta. Då patruljen kom fram ba dei om assistanse frå ambulanse for å få sjekka ein liten skade i hovudet, fortel operasjonsleiar i Hordaland politidistrikt, Ragnar Lyssand.

- Det er litt uklart om det var føraren som hadde ein liten skade eller om han hadde passasjer med seg. Men føraren, ein mann i starten av 20-åra, blei sjekka for promille, og det slo kraftig ut.

Føraren blei kjørt til legevakt for utvida blodprøve og er mistenkt for promillekjøring.