Utstilling i sentrum
Kunstnargruppa Kaos har fått leiga G-Sport sitt gamle lokale og til helga blir det opning av haustutstilling.
Bildeserie:
Tre driftige damer utgjer kunstnargruppa Kaos, som står for Kunstamatører i Os, og saman med gjesteutstillar Svein Berge og kurator Marit Opdahl var dei tysdag hektisk opptatt med å få klart det gamle lokalet til G-sport som no skal gjerast om til utstillingslokale.
Kunstnarane har sett opp veggar og maltdei til utstillinga, og måleri i akvarell, arkyl og oljemåling står klar til å pryda veggane inne i lokalet.
– Eg tok kontakt med selskapet som eig lokalet og spurte om vi fekk låna det til å ha haustutstilling i 14 dagar, noko dei var positive til, fortel Reidun Bjørø, som saman med Ingerid Sulen og Kjersti Døskeland er dei aktive medlemmane i Kaos. I tillegg har dei to medlemmar som er travelt opptatt på andre kantar og difor er passive medlemmar.
Maling som hobby
Kaos blei starta opp i 2009 då Ingerid og Reidun møttest på eit malarkurs og fann tonen.
– Vi ville begge starta opp noko så då gjekk vi saman og det var starten på Kaos, seier Reidun.
Medlemmene må ha gått i lære og ha erfaring for å få bli med, men alle har malinga som ein hobby.
– Tidlegare hadde vi ein fast dag i veka kor vi samlast i lokalet vi har fått låna i gamle Os barnehage, medan no styrer vi oss sjølv og kjem og går som vi vil.
Imponert over arbeidet
Gjesteutstillar Svein Berge frå Ølve har hatt fleire utstillingar og kurs i akvarellmåling og han blei invitert med etter at Kaos-damene møtte han på Gla' Dansen.
Kuratoren deira Marit Opdahl er ein profesjonell kunstnar, og har hatt fleire utstillingar, blant anna i Paris.
Marit er imponert over abeidet som har blitt lagt ned i bilda til utstillinga.
– Alle dei fire kunstnarane har ulike uttrykk, men likevel så passar dei saman.
– Det er så spesielt å kunna kjøpa eit måleri og veta at ingen andre i verda har make, fortel Marit.
No er dei alle spente på opningsdagen, og ekstra spesielt er det nok for Kjersti, som er med på si aller første utstilling.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.