Valde å avbryta jakta
Motorsykkel i «hinsides» fart i Hegglandsdalen - forsvann mot Samnanger.
Etter ein fredag og laurdag med ei rekkje småsaker kan politioverbetjent Anne Lyssand fortelja om ein søndag med fleire trafikksaker.
I 110 kilometer i timen - i Hegglandsdalen
Litt over klokka 14 i går ettermiddag kom politiet over ein motorsykkel som heldt urovekkjande høg fart. Lyssand at politipatruljen forsøkte å få stoppa motorsykkelen, men at patruljen etterkvart valde å avlutta jakta.
– Motorsykkelen vart målt i minst 110 kilometer i timen, i Hegglandsdalsvegen. Patruljen vurderte det då som tryggast å avslutta jakta.
Lyssand legg til at registreringsnummeret fortalde at motorsykkelen er heimehøyrande i Litauen.
Utan gyldig førarkort
Tidlegare på søndagen, klokka halv elleve, vart ein bil stoppa utanfor Os sentrum.
Føraren av bilen, ein mann fødd i 1998 kunne ikkje framvisa gyldig førarkort.
Sak vart oppretta.
To meldingar om same bil - på ferjekaien
Like før klokka halv tolv søndag formiddag fekk politiet to meldingar som gjaldt høg fart og farleg køyring.
Lyssand seier at begge meldarane kunne fortelja at dei var nær å bli påkøyrd av ein bil på inne på kaiområdet på Halhjem.
Bilen skal ha køyrt om bord i ferja, men registreringsnummer vart teke, og den eine fornærma har opplyst at han vil anmelda opplevinga til politiet.
Avskilta heime i hagen
Rundt klokka 12 vart ein bil avskilta nær Os sentrum.
Lyssand fortel at bilen mangla godkjend EU-kontroll, og står no parkert på eigars adresse.
Stoppa med promille - innrømde i tillegg narkotika i heimen
Klokka 16 i går ettermiddag stoppa politiet ein bil i Byvegen.
Førar, ein mann fødd i 1997, blåste til utslag på politiets alkometer.
Lyssand fortel at føraren vart teken med til legevakten for utvida blodprøve. Etterkvart innrømde mannen òg at han han hadde narkotika i heimen.
Mannens bustad, som ligg i Bergen, vart etterkvart ransaka, og det vart funnen mindre mengder narkotika.
Mannen vart seinare dimmitert, men sak er oppretta, avsluttar Lyssand.