Vallaheiane opna igjen

– Vi har stått i ein liten halvtime, men no har det nettopp byrja å flytta på seg igjen, seier Ingunn Tjore til Midtsiden klokka 12.25.

Tjore er på veg frå Os til Bergen, men blei saman med mange andre ståande fast grunna kø på vinterføret.

Vallaheiane er versting om vinteren, spesielt når den første snøen kjem om hausten.

– Eg veit ikkje kva som er årsaka, men no er det dirigering så vi kjem oss vidare.

Det skal ikkje ha vore ei spesiell ulykke som er årsak til at det stoppa i trafikken, men generell dårleg framkomst hos enkelte.