Vandrepokalen står heilt i ro
Os MC og MX klubb blei nok ein gong kåra til best på Vestlandet etter solid medaljehausting på Stord i helga.
Bildeserie:
Os leia med 12 poeng og stilte sterkt som største klubb då sesongen i helga blei avslutta på Stord.
– Eg har ikkje talet på medaljar her, men det blei både gull, sølv og bronse, både i runden i helga og samanlagt, til fleire av utøvarane våre, seier formann Jane Espeland.
Det blei suksess frå dei yngste på 5-6 år til oldboys, der Os tok heile pallen med gull til Jarle Matre, sølv til debutant Jan Hetleflåt og bronse til Karl Atle Pedersen.
Beste klubb bygger ny bane
– Jubelen blei størst då vinnaren av beste klubb 2014 blei ropt opp. Vi vann i år igjen, og har no blitt kåra til beste klubb tre av dei siste fire åra.
Jan Hetleflåt har laga ein vandrepokal til den som blir kåra til beste klubb. Den står i klubbhuset i Kolskogen, og der blir den ståande.
– Dette var flott påfyll av inspirasjon før vi no skal jobba vidare med ny bane samtidig som vi trener gjennom hausten og vinteren, seier Jane.
Les òg: Veks seg inn i ny bane