Vann stressa kamp med tre mål

Bildeserie:

1 av 14

Øystein Takle Eide sendte Os opp i 1-0 i 7. minut og Rafael Villén sørgja for 2-0 to minutt seinare.

Christoffer Hafsås gav Os 3-0 og 4-1, og blei kåra til dagens beste Os-spelar, men er ikkje nøgd med kampen.

– For det første så er vi for utolmodige i siste tredel av banen, det var også dette vi fekk beskjed om av Tim Henrik Sperrevik i pausen, å roa ned. For det andre bør vi klara å halda nullen når vi er så mykje betre enn motstandaren som det vi var i dag, meiner han.

Målet imot såg det ikkje ut til å vera noko å seia på. Telavåg-spelar Martin Cindahl fekk gå åleine skrått på Os-målet og fekk ei god avslutting i lengste hjørne.

3-1 blei til 4-1.

Den same Cindahl blei utvist ei stund seinare. Utvisinga kom då han hælsparka Skeie i ryggen mens begge var i bakken etter ein duell der Skeie hadde vore noko tøff.

Både før og etter at gjestane blei redusert til ti mann sløste Os med sjansane.

– Vi har noko å jobba med, men vi vinn med grei margin og kan gle oss over nye tre poeng etter at vi rota 3-1 til 3-3 på overtid sist, seier Hafsås.

Os - Telavåg 4-1 (2-0)
Os: Anders Fossen Lunde - Alexander Dale, Endre Brenne, Vegard Skeie - Harry Moore, Marius Mikkelsen, Martin Eidsvik, Øystein Takle Eide - Sander Kvittingen og Christoffer Hafsås.
Innbytarar med speletid: Steffen Ljosheim, Steffen Kvamsdal, Håkon Kvittingen, Fabian Bødtker og Simon Søvik.