Vanskeleg 17. mai-val
Os kommune tek opp tradisjonen med barneteikning på 17. mai-programmet. Onsdag gjorde juryen sitt val.
Bildeserie:
Dei fekk ei vanskeleg oppgåve juryen som skulle plukke ut framsida på årets 17. mai-program.
111 teikningar frå nesten alle femteklassene i Os skulle finsiktast, vurderast, forkastast og veljast.
– Her var det utruleg mykje flotte teikningar, kommenter jurymedlem Stine Kobbeltvedt når ho får tatt det første overblikket.
Då har allereie 17. mai-general Kjetil Osablod Grønvigh, kultursjef Lisbeth Axelsen og tidlegare 17. maiprogramvinnar Kåre Mongstad starta si vurdering av bidraga.
Utstilling digitalt og fysisk
Medan juryen vurderar dei einskilde teikningane fortel Osablod Grønvigh kva som skjer etter utvelginga.
– Vinnaren kjem sjølvsagt til å prega framsida på programmet som skal ut i omlag 7000 eksemplarer og i alle postkassene i Os.
– I tillegg kjem vi til å digitalisera alle tekningene og laga ei vituell utstilling på kommunen si heimeside.
– Eg jaktar òg på eit ledig butikkvindauge kor vi kan stille dei fysisk ut.
Som bakteppe på scenen
Det siste sprellet komiteen har funne på er at teikningane skal danna ein kollasje under sjølve 17. maifeiringa på Kyrkjeflaten.
– Kollasjen kjem vi til å trykke opp som eit digert bakteppe på scenen, så også der blir det mogleg å sjå bidraga, smiler Osablod Grønvigh.
Vinnar frå Kuventræ
Etter ei omfattande vurdering, med fleire runder kor dei 111 teikningane, blei til 15, for så å bli tre, to, ei, sto juryen endeleg igjen med årets vinnar.
Eit klassisk 17. mai-motiv med barnetog, flagg og faner.
– Dette er vel den av finaleteikningane som òg speilar mykje av det vi har sett i dei andre bidrag, oppsummerer kultursjef Lisbeth Axelsen.
Vinnaren blei Trine Schrot Eyjolfsdottir frå 5A på Kuventræ skule.