Vassbrot i Os nord påverkar Os aust

Bjørnafjorden kommune opplyser i dag om eit vassleidningsbrot nord for Os sentrum.

– Skaden er funnen. Vassbrotet er i Sveo, men det er Lyssandtræet og Heien som er råka, seier teknisk vakt Gitle Smaadal til Midtsiden.

Rundt ti bustadar er utan vatn. Det er sett ut vassvogn ved Lyssandtræet.

– I tillegg er det permanent sjanse for å henta vatn på pumpestasjonen ved Vallabrua.

– Veit de kva som er årsaka til brotet?

– Nei, men det er neppe eit graveuhell. Det var ikkje pågåande arbeid i området, og skaden på leidningen skal vera på undersida av røret.

Målet er å kopla vatnet på igjen i ettermiddag.

Tekstmelding blir sendt ut når vatnet er sett på igjen.

– Meldinga vil inkludera kokevarsel. Det er vanleg med både klorlukt og misfarging i starten. Det kjem ny melding når kokevarselet opphøyrer.