Vasslekkasje i Hamnevegen

Søndag i 9-tida fekk teknisk eining i Os kommune melding om lekkasje i Hamnevegen.

– I 9.30-tida fossa det opp med vatn på Hatvikvegen og på fortauet forbi Vinmonopolet, fortel teknisk vakt Dag Søfteland.

Bergen Vann er på staden og vatnet er no stengt av.

– Dette betyr at fleire nabolag i området, blant anna Steinneset, Haugsneset og Lurane, blir utan vatn dei neste timane.

– Vi har lokalisert staden der det er brot på vassleidningen, og har noko verktøy på veg som snart er her.

Det er førebels uvisst kor lang tid reparasjon vil ta og kor tid vatnet kjem tilbake til husstandane og verksemdene i området.